🗓️ Araw ng Kapistahan: Nobyembre 9
🛡️ Patron ng lahat ng simbahan sa buong mundo
💡 #AlamMoBa na ang Basilika o Palasyong Simbahan ng Laterano sa Roma ay tinataguriang na “Ina at Ulo ng lahat ng Simbahang Katolika sa buong mundo.”
Ang Palasyong Simbahan ng Laterano, na kilala bilang Basilika ni San Juan sa Laterano, ang pinakamatandang simbahan sa Roma. Ipinagawa ito ni Emperor Constantine noong ika-4 na siglo matapos kilalanin niya ang Kristiyanismo. Dito nanirahan ang mga Santo Papa sa loob ng maraming taon bago sila lumipat sa Vatican. Ang kapistahan ng pagtatalaga nito ay paalala na ang simbahan ay tahanan ng Diyos at ng sambayanan Niya—isang lugar ng dasal, pagkakaisa, at pagmamahalan.
🧠 Fun Fact!
Ang basilika, na inialay kay Kristo na ating Tagapagligtas kaya’t tinatawag na “Simbahan ni Kristo” sa Roma, ay itinayo sa lupang regalo ni Emperor Constantine mula sa pamilyang Laterani at ipinangalan sa dalawang San Juan — si San Juan Bautista at si San Juan Ebanghelista.
👦🏽👧🏽 Munting Gawain
✅ Magdasal nang taimtim tuwing papasok sa simbahan bilang paggalang sa tahanan ng Diyos.
✅ Tumulong sa paglilinis o pag-aayos sa simbahan ninyo bilang tanda ng pagmamahal kay Hesus.
✅ Magpasalamat sa Diyos sa pamamagitan ng pag-awit o pagdarasal kasama ang pamilya tuwing Linggo.
🙏 Manalangin Tayo
Panginoong Hesus, salamat sa iyong banal na tahanan kung saan kami nagtitipon upang sumamba sa iyo. Tulungan mo kaming maging buhay na simbahan—mapagmahal, masunurin, at tapat sa pananampalataya. Amen.
📚 Sanggunian
