Araw ng Kapistahan : Oct 28
Parehong ordinaryong tao si San Simon at San Judas Tadeo na pinili mismo ni Hesus upang ipalaganap ang Mabuting Balita at gawing alagad ng Panginoon (Mateo 28:19).
Sila ang nagpapatunay na kahit ang mga pangkaraniwang tao ay maaaring maging santo kung susunod sila sa yapak ni Hesus.
Si San Simon ay tinataguriang “Zealot” na ang ibig sabihin ay masigasig. Para kay San Simon, napakahalaga ng pagsunod ng tao sa batas ng mga Hudyo. Nang makilala niya si Hesus ay nakumbinse siyang ang pinakamahalagang gawin ng tao ay sundin ang mga turo ni Hesus. Tinatawag din siyang “Zealot” upang hindi sila mapagkamalian ni San Simon na tinawag ni Hesus na Pedro.
Si San Judas Tadeo ay tinawag na gayon para hindi maipagkamli kay Judas na nagtaksil kay Hesus upang mahatulang mamatay. Siya ay patron ng mga imposible situwasyon at mga taong nagigipit. Kalaunang nagdarasal ang mga to kay San Judas Tadeo kung wala na silang iba pang matakbuhan. Hinihiling nila na dalhin ni San Judas kay Hesus ang kanilang mga panalangin dahil sa napakalalim na pananampalataya ni San Judas sa Panginoon.
Magkasamang naglakbay at nangaral si San Simon at Judas upang ipalaganap ang pangangaral ni Hesus. Dahil sila mismo ay saksi sa mga himala, pagkamatay at pagkabuhay ng Panginoon ay maraming naniniwala sa kanila. Sabay silang namatay para sa pananampalataya.
Pinaparangalan sila tuwing Oct 28. Sila ang nagpapaalala sa ating lahat na kilalanin nating mabuti si Hesus at ikuwento ang Kanyang buhay sa iba tulad ng ginawa nila.
🙏PANALANGIN KAY SAN JUDAS TADEO AT SAN SIMON
Panginoon, salamat sa tawag mo. Dahil sa Iyo ay naging makahulugan ang aking buhay. Sa paglilingkod sa Iyo nasusumpungan ko ang tunay na kaligayahan. Bigyan mo ako ng grasya na maging tapat, na maging matapang sa gitna ng mga pagsubok at makita ka sa lahat ng bagay at pangyayari sa aking buhay. Hinihiling ko ito sa ngalan ni Jesus na aming Panginoon. Amen.
