🗓️ Araw ng Kapistahan: 3 Nobyembre
🛡️ Patron ng mga taong may magkahalong lahi (mixed race), mga barbero, tagapangalaga ng mga tuluyan o bahay-pahingahan, mga manggagawa sa pampublikong kalusugan, at lahat ng naghahangad ng pagkakaisa ng mga lahi.
💡 #AlamMoBa: Tinawag si San Martín bilang “Brother Broom” dahil lagi siyang may dalang walis?
✍️ Maikling Talambuhay
Ipinanganak si San Martín de Porres sa Lima, Peru noong 1579. Ang kanyang ina ay isang dating aliping babae mula sa Panama at ang kanyang ama ay isang Espanyol. Nang siya ay walong taong gulang, iniwan sila ng ama at lumaki sila sa hirap. Sa kabila nito, mas pinili ni Martín na ipamahagi sa mas nangangailangan ang kaunting mayroon sila.
Dahil sa pinaghalong lahi niya, madalas siyang kutyain ng iba, ngunit sinuklian niya ito ng kabutihan at panalangin. Sa edad na labindalawa, nagtrabaho siya bilang barbero. Kalaunan ay pumasok siya sa mga Dominikano. Bagamat hindi siya pinayagang maging ganap na relihiyoso, buong puso niyang tinanggap ang mga gawaing mababa tulad ng pagwalis at pag-aalaga ng mga maysakit.
Sa kanyang kababaang-loob, ginamit siya ng Diyos upang gumawa ng mga himala ng pagpapagaling at kabutihan. Nagtatag siya ng mga bahay ampunan at tumulong sa mga alipin at batang lansangan. Isa sa kanyang malapit na kaibigan ay si Santa Rosa de Lima. Nang siya ay pumanaw noong 1639, buong Lima ang nagluksa sa kanya.
🧠 Fun Fact
- Si San Martín ay kilalang nakikipagkaibigan sa mga hayop, at minsan ay nakikita pa siyang sumasalo sa pagkain ang pusa, aso, at daga!
- Maraming maysakit ang gumaling sa pamamagitan ng kanyang panalangin at mabuting loob.
👦🏽👧🏽 Munting Gawain
✅ Magwalis o maglinis ng isang bahagi ng bahay bilang alay kay Diyos. Sabihin sa sarili, “Ginagawa ko ito para kay Hesus.”
✅ Magbigay ng pagkain o damit sa isang nangangailangan, tulad ng ginawa ni San Martín.
✅ Kapag may nang-aasar o nanlilibak, piliin mong manahimik at ipanalangin sila gaya ng ginawa ni San Martín.
🙏 Manalangin Tayo
+ Panginoon, salamat sa halimbawa ni San Martín de Porres. Tulungan Mo kaming maging mapagkumbaba, mapagbigay, at matulungin sa mga nangangailangan. Nawa’y makita Ka namin sa bawat gawaing aming ginagawa. Amen.
📚 Sanggunian:
