🗓️ Araw ng Kapistahan: Sept 16
🛡️ Si Papa San Cornelio ay patron ng mga baka at inaalagaang hayop at hinihingan ng pamamagitan laban sa epilepsy, lagnat at sa mga sakit sa tenga
Si San Cornelio ang santo papa na unang nagkaroon ng “anti-pope” dahil sa paniniwala niyang maaaring patawarin at manumbalik sa simbahan ang mga Kristiyanong isinuko ang kanilang pananampalataya sa panahon ng prosekusyon.
Si San Cipriano ay isa naman sa mga obispo na sumuporta kay Can Cornelio, pinatay siya dahil sa kanyan pananampalataya. Bago malagot ang kanyang hininga ay nasambit niya ang “Blessed be God!”
Bakit sabay ang Kapistahan nina San Cornelio at San Cipriano?
Magkaibigan sina San Cornelio at San Cipriano. Pareho silang naging matatapang na pinuno ng Simbahan at nag-alay ng buhay para kay Hesus noong panahon ng pag-uusig. Nagtulungan sila para ipakita na si Hesus ay laging handang magpatawad sa mga nagsisisi. Kaya naman, sabay silang inaalala ng Simbahan tuwing Setyembre 16, bilang tanda ng kanilang pagkakaibigan at katapatan kay Kristo.
🙇🏽♂️ Pagnilayan: Tumalikod ka man sa Diyos, inaantay ka pa rin Niya na bumalik sa Kaniya. Handa ka na bang tumalima?
🙏 Manalangin Tayo…
+ Panginoon, salamat sa halimbawa nina San Cornelio at San Cipriano na naging tapat sa Inyo hanggang kamatayan. Tulungan N’yo po kami na maging, tulad nila, matapang sa pananampalataya at mapagmahal sa aming kapwa. Amen.
San Cornelio at San Cipriano, ipanalangin ninyo kami. 🙏
