Araw ng Kapistahan: Jan 9
Ipinagdiriwang natin ngayon ang Kapistahan ng Mahal na Poong Nazareno. Taon taon ay ginaganap ang TraslaciΓ³n (na ang ibig sabihin ay paglipat) kung saan sinasariwa ang paglalakbay ng imahe ng Nazareno mula sa Intramuros patungong Quiapo Church. Ito ay dinadaluhan ng libu-libong mga deboto.
Ang orihinal na imahe ng Nazareno ay nililok ng isang di nakikilalang iskultor mula sa Mexico noong ika-16 siglo. Nilalarawan ng nakalihod na imahe ang paglalakbay ni Hesus patungong Golgotha kung saan Siya ipapako sa Krus.
π£ππ‘ππππ‘πππ‘ π¦π π ππππ π‘π π£π’π’π‘π π‘ππππ₯ππ‘π’
+ Katamis-tamisang Jesus Nazareno Diyos at Manunubos ko, na naglalakbay sa Kalbaryong pasan-pasan Mo ang Krus na pagpapakuan sa Iyo. Akong abang makasalanan, na naging dahilan ng Iyong di masayod na hirap ay nagpupuri sa Iyo at nagpapasalamat, na bilang maamong Kordero ay buong hinahong tinanggap Mo sa ibabaw ng Iyong balikat ang kahoy ng Iyong kamatayan upang doon mawakasan ang aking mga kasalanan at ng sandaigdigan. Patawarin mo ako, O Butihing Jesus; inaamin ko ang aking mga sala at akoβy nananalig na dahil sa kabutihan Mong walang kahulilip ay hugasan Mo ng Iyong Dugo. Iniibig Kita ng higit sa lahat ng bagay, ipinangangako na akoβy magiging matapat hanggang sa oras ng aking kamatayan. Patnubayan Mo ako, Diyos ko, ng Iyong biyaya at ihatid Mo ako sa landas ng Iyong mga Utos diyan sa Iyong Langit na Kaharian. Sya Nawa. +
