Alam mo ba na ang Birhen ng Peñafrancia ay tinatawag na Ina at Patrona ng buong Bicol? 🙏 Tuwing Setyembre, milyun-milyong deboto ang dumadayo sa Naga City para sa Traslacion at Fluvial Procession, isang malaking prusisyon sa lupa at sa ilog bilang tanda ng pagmamahal kay Maria.
Makikita sa imahe si Maria na nakadamit ng maringal na kasuotan at may korona 👑, kalong ang Santo Niño Hesus bilang Hari ng Sanlibutan. Mapapansin na tila ulo at balikat lamang ang nakikita ng Birhen at ng Batang Hesus—ito ay dahil sa encarnacion style, kung saan mukha at kamay lang ang inukit, at ang katawan ay natatakpan ng kasuotan. Ginawa ito upang bigyang-diin ang karangalan ni Maria bilang Reyna at ang kanyang mapagmahal na mukha na laging nakatingin sa kanyang mga anak. 💖
Para sa mga taga-Bicol, Siya ang Inang laging handang makinig at magdala ng ating panalangin kay Hesus. Kaya naman kapag naririnig mo ang sigaw na:
“Viva la Virgen! Viva Nuestra Señora de Peñafrancia! Gloria a nuestra excelsa Protectora!” (Mabuhay ang Birhen! Mabuhay ang Mahal naming Ina ng Peñafrancia! Papuri sa ating Dakilang Tagapagtanggol) 🎉
Iyan ay tanda ng galak, pananampalataya, at pagmamahal kay Maria at kay Hesus.
📚 Sanggunian:
- Archdiocese of Caceres – Official Shrine of Our Lady of Peñafrancia caceres-naga.org
- Catholic Bishops’ Conference of the Philippines (CBCP News)
- Catechism of the Catholic Church 2679 (si Maria bilang Ina at Tagapamagitan)
